जिने
तुला जगात
प्रवेश दिला
विटाळामुळेच तुझा जन्म झाला.
विटाळाला तू टाळतो आहेस
तू कुठला धर्म पाळतो आहेस ?
जिनं तुला वाढवलं
घडवलं
जीवनात तुला उभं केलं
ती कुठे उभी आहे?
मंदिराची अन् तिची अजूनही
कट्टीबट्टी आहे.
ही कटीबटी कुणी केली ?
मानवतेलाच सुट्टी कुणी दिली?
जनावरांनाही कळत असावं
विषमतेचे विष त्यांच्या  ध्यानीमनी नसावं
त्यांना  वाजवता येतं नसतील टाळं
म्हणूनच  ते मानत नसतील विटाळ
समतेची ओरडून गाता येत नसतील गाणी
पण त्यांना एकाच तळ्यातलं चालते पाणी
त्यांचे आश्रम नाहीत
वृध्दाश्रमही नाहीत
डॉ हनुमंत भोपाळे
9767704604
hanumantbhopale@gmail.com